ជនជាតិវៀតណាមម្នាក់ លង់ទឹកស្លាប់នៅ ភោជនីដ្ឋាននិងផ្ទះសំណាក់ដើមជ្រៃ

ខេត្តកំពត៖មន្ត្រីនគរបាល អន្តោប្រវេសន៍ បានឲ្យដឹងថាជនជាតិវៀតណាមម្នាក់ លង់ទឹកស្លាប់នៅ  ភោជនីដ្ឋាននិងផ្ទះសំណាក់ និងភោជនីដ្ឋាន ដើមជ្រៃ។មន្ត្រីនគរបាល បន្ថែមថា ជនបរទេសឈ្មោះ NGUYEN THANH LONG ថ្ងៃខែឆ្នាំកំណើ 29/04/1982 សញ្ជាតិវៀតណាម កាន់អត្តសញ្ញាណប័ណ្ណ វឿតណាម លេខៈ 028890921 បានលោតទឹកបាត់ខ្លួន នៅវេលាម៉ោងប្រហែល 01:00 នាទី រំលងអាធ្រាត ថ្ងៃទី10/05/2016 នៅភោជនីដ្ឋាននិង ផ្ទះសំណាក់ដើមជ្រៃ ស្ថិតក្នុងភូមិ អូតូច សង្កាត់អណ្ដូងខ្មែរ ក្រុងកំពត ខេត្តកំពត ។

 សព្វជនបរទេសរូប នេះរកឃើញនៅ ម៉ោងប្រហែល 5ព្រឹក ថ្ងៃទី 10/05/2016 នៅក្នុងព្រែកកំពត នៅកន្លែងដដែល  (ពេលទឹកនាច) តាមការិយាល័យបច្ចេកទេស និង គ្រូពេទ្យ  ធ្វើកោសល្យវិច្ច័យ បានបញ្ជាក់ថាជនបរទេស រូបនេះបានស្លាប់ ដោយសារលង់ទឹក។ សពកំពុងតំកល់ទុក នៅមន្ទីពេទ្យ បង្អែកខេត្តកំពត ។ បច្ចប្បន្តយើង ទំនាក់ទំនងទៅស្ថាន កុងស៊ុលប្រចាំ ខេត្តព្រះសីហនុដើម្បី ស្វែងរកសាច់ញាតិសព។ សមត្ថកិច្ច បញ្ជាក់ថា ជនរងគ្រោះបានស្លាប់ នៅមាត់ព្រែក ដែលជាកន្លែង ផ្ទះសំណាក់និងភោជនីដ្ឋានខាងលើ៕