មនុស្ស៣នាក់ ជួបគ្រោះថ្នាក់ចរាចរណ៍ រងរបួសធ្ងន់ នៅស្រុកប្រាសាទបាគង ខេត្តសៀមរាប

 ខេត្តសៀមរាប៖នៅក្នុងភូមិរការកំបុត្រ ឃុំត្រពាំងធំ ស្រុកប្រាសាទបាគង ខេត្តសៀមរាប នៅលើកំណត់ ផ្លូវជាតិលេខ៦ មានករណីរថយន្តបុកជាមួយ និងម៉ូត បណ្ដាលឲ្យមនុស្សប្រុស ស្រីចំនួន០៣នាក់រងរបួសធ្ងន់ ចំពោះអ្នកបើកបរ រថយន្តក្រោយពេល បង្ករហេតុបាន ចុះរត់គេចខ្លួនបាត់។
 លោកវរសេនីយ៍ទោ មិន ចន្ថា អធិការនគរបាល ស្រុកប្រាសាទបាគង បានឲ្យដឹងថា ករណីគ្រោះថ្នាក់ ចរាចរណ៍ខាងលើនេះ កើតឡើងនៅវេលាម៉ោង០៥ និង៤០នាទីព្រឹកថ្ងៃទី១០ ខែឧសភា ឆ្នាំ២០១៦ បង្កឡើងដោយ រថយន្តម៉ាក FORD ពណ៌សពាក់ស្លាកលេខ ភ្នំពេញ 2W : 2112បើកពីទិសខាងលិច ទៅទិសខាងកើតដោយមិនប្រកាន់ស្តាំ បានទៅបុកជាមួយម៉ូតូ សេ១២៥ ផលិតនៅឆ្នាំ២០១៦ ពណ៌ខ្មៅពាក់ស្លាកលេខ សៀមរាប 1U : 1035 បណ្ដាលឲ្យអ្នកបើកបរ និងអ្នករួមដំណើរ ០២នាក់ទៀតរងរបួសធ្ងន់។
 លោកអធិការនគរបាល ស្រុកបានបន្តថា អ្នកដែលរងរបួសក្នុង ហេតុការខាងលើនេះ មានឈ្មោះ ង៉ក់ គឹមហ៊ត ភេទប្រុស អាយុ៣៣ឆ្នាំ ជាអ្នកបើកបរម៉ូតូ និងអ្នករួមដំណើរ០២នាក់ទៀតមានឈ្មោះ គឿន រ៉េន ភេទស្រី អាយុ៣៤ឆ្នាំ និងម្នាក់ទៀតឈ្មោះ វឿន ភេទប្រុស អាយុ៣២ឆ្នាំ អ្នកទាំង០៣នាក់ រស់នៅភូមិត្របែក ឃុំដំដែក ស្រុកសូទ្រនិគម ខេត្តសៀមរាប។ បច្ចុប្បន្នជនរងគ្រោះត្រូវ បានដឹកយកទៅជួយ សង្គ្រោះបន្ទាន់នៅមន្ទីរពេទ្យ សឹង រិទ្ធីរ៉េត រីឯករថយន្តបង្ក និងម៉ូតូត្រូវបានកម្លាំង សមត្ថកិច្ចនាំយកមករក្សា ទុកនៅអធិការដ្ឋាននគរបាល ស្រុកប្រាសាទបាគង រងចាំភាគីទាំង០២ចូលខ្លួន ធ្វើការដោះស្រាយ ទៅតាមផ្លូវច្បាប់។