អ្នកណាមិនស្រក់ទឹកភ្នែក! ជីវិតកម្មករអូសរទេះបន្លែ លង់ទឹកស្លាប់ ប្រពន្ធកូន

ភ្នំពេញ៖ ប្រជាពលរដ្ឋ ប្រទះឃើញសពអណ្តែតទឹកស្រះ ខាងក្រោយផ្ទះ ស្មានតែជារូបម៉ារាកាំងដែលគេដាក់តាំង ទាល់តែនាំគ្នាស្រង់ទើបដឹងថា ជាសពបុរសម្នាក់ បង្កឲ្យមានការភ្ញាក់ផ្អើលកាលពីវេលាម៉ោង ៧ព្រឹក ថ្ងៃទី១០ ខែតុលា ស្ថិតនៅក្នុងភូមិក្រាំងក្រូច សង្កាត់ទៀន ខណ្ឌដង្កោ ។ បើតាមសម្ដី ស្រ្តីម្នាក់ឈ្មោះ ជា ស្រីធំ អាយុ ២៨ឆ្នាំ មុខរបរនៅផ្ទះ ត្រូវជាប្រពន្ធសព បានប្រាប់ឲ្យដឹងថា ប្ដីរបស់គាត់ដែលបានស្លាប់ឈ្មោះ វិចិត្រ អាយុ ៣៥ឆ្នាំ មុខរបរជាអ្នកអូសរទេះបន្លែនៅផ្សារដើមគរ គាត់បានបន្ដទៀតថា ជាធម្មតាប្ដីរបស់គាត់ មិនសូវមកផ្ទះទេ ២ ឬ៣ ថ្ងៃទើបចូលផ្ទះម្ដង តែប៉ុន្មានថ្ងៃនេះ មិនឃើញគាត់មកផ្ទះសោះ បែរជាមិននឹកស្មានថា គាត់ស្លាប់អញ្ចឹងឡើយ។
ប្រភពព័ត៌មាន បានឲ្យដឹងថា ពីរនាក់ប្តីប្រពន្ធ ដែលស្លាប់អណ្តែតទឹកនេះ រស់នៅជាមួយបងប្អូន នៅភូមិកើតហេតុ ស្រ្តីជាប្រពន្ធជាមានកូន ២នាក់ កូនស្រីអាយុ ២ឆ្នាំ និងកូនក្នុងផ្ទៃ ៣ខែ។ចំណែកស្រ្ដីម្នាក់ឈ្មោះ ស៊ុន មិនា ភេទស្រី អាយុ ២៧ឆ្នាំ ស្នាក់នៅកន្លែងកើតហេតុខាងលើ បានប្រាប់បញ្ជាក់បន្ថែមឲ្យដឹងថា មុនពេលកើតហេតុ ខ្លួនបានដើរទៅងូតទឹកស្រះ ដែលនៅក្រោយផ្ទះ ប្រមាណជា ២៥០ម៉ែត្រ ខណៈពេលទៅដល់ នាងប្រទះឃើញសពអណ្តែតនៅក្នុងស្រះ ភ្លាមនោះ នាងស្មានថាជារូបម៉ារាកាំង ដែលគេដាក់តាំងលក់ ក៏ប្រាប់អ្នកភូមិ ឲ្យជួយស្រង់ចេញពីស្រះ ក្រោយពេលអ្នកភូមិនាំគ្នាទៅមើល ទើបដឹងថា នោះមិនមែនជាម៉ារ៉ាកាំងទេ គឺជាសពមនុស្សស្លាប់អណ្ដែតទឹក ទើបធ្វើឲ្យផ្អើលដល់ប្រជាពលរដ្ឋ រាយការណ៍ទៅសមត្ថកិច្ច ។ក្រោយពីធ្វើកោសល្យវិច័យរួចមក ខាងសមត្ថកិច្ចជំនាញ បានសន្និដា្ឋនថា បុរសខាងលើពិតជាស្លាប់ដោសារលង់ទឹកពិតប្រាដកមែន និងបានធ្វើលិខិតប្រគល់សពដល់ក្រុមគ្រួសារ សាច់ញាតិ រៀបចំបូជានៅមាត់ស្រះតែម្តង ៕