លោកកឹម សុខា នឹងមិនចូលខ្លួនទៅបំភ្លឺក្នុងតុលាការនៅថ្ងៃស្អែកទេ!
លោកកឹម សុខា អនុប្រធានគណបក្សសង្គ្រោះជាតិ នៅតែរក្សាជំហរមិនចូលខ្លួនទៅបំភ្លឺ នៅតុលាការក្រុងភ្នំពេញ តាមដីកាកោះហៅ កាលពីសប្តាហ៍មុននោះទេ។ នេះបើតាមការអះអាងរបស់តំណាងរាស្ត្រគណបក្សសង្គ្រោះជាតិ នៅថ្ងៃទី ១០ឧសភានេះ។ តាមដីការបស់សាលាដំបូងរាជធានីភ្នំពេញ បានតម្រូវឲ្យលោកកឹម សុខា ដែលមានអភ័យឯកសិទ្ធិសភាផងនោះ ចូលខ្លួនទៅបំភ្លឺក្នុងតុលាការ នៅវេលាម៉ោង ៩ព្រឹក ថ្ងៃទី ១១ឧសភាស្អែកនេះ ពាក់ព័ន្ធនឹងបណ្តឹងបរិហាកេរ្តិ៍របស់កញ្ញាធី សុវណ្ណថា។
លោកអេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ បានបញ្ជាក់ប្រាប់វិទ្យុបារាំងអន្តរជាតិនៅរសៀលថ្ងៃអង្គារនេះថា លោកកឹម សុខា និងតំណាងរាស្ត្ររបស់គណបក្សសង្គ្រោះជាតិ ២រូបទៀត នឹងនៅតែរក្សាជំហរដដែល ថាមិនចូលខ្លួនទៅតុលាការតាមដីកាកោះហៅរបស់អយ្យការអមសាលាដំបូងរាជធានីភ្នំពេញនោះទេ។ ក្រុមសមាជិកសភាគណបក្សសង្គ្រោះជាតិ បានបញ្ជាក់ក្នុងសេចក្តីថ្លែងការណ៍របស់ខ្លួន កាលពីសប្តាហ៍មុនដែរថា ការកោះហៅរបស់តុលាការនេះ គឺជាការប្រើអំណាចដោយរំលោភបំពានយ៉ាងធ្ងន់ធ្ងរលើអភ័យឯកសិទ្ធិសភារបស់តំណាងរាស្ត្រ ដែលធានាការពារដោយមាត្រា ៨០នៃរដ្ឋធម្មនុញ្ញរបស់ព្រះរាជាណាចក្រកម្ពុជា។
សូមបញ្ជាក់ថា តាមមាត្រា ៨០នៃរដ្ឋធម្មនុញ្ញ បានចែងថា «តំណាងរាស្ត្រ មានអភ័យឯកសិទ្ធិសភា។ តំណាងរាស្ត្ររូបណាក៏ដោយ មិនអាចត្រូវបានចោទប្រកាន់ ចាប់ខ្លួន ឃាត់ខ្លួន ឬឃុំខ្លួន ដោយហេតុពីបានសម្តែងយោបល់ ឬបញ្ចេញមតិ ក្នុងការបំពេញមុខងាររបស់ខ្លួនសោះឡើយ។ ហើយការចោទប្រកាន់ ចាប់ខ្លួន ឃាត់ខ្លួន ឬឃុំខ្លួន សមាជិកណាមួយនៃរដ្ឋសភា នឹងអាចធ្វើទៅកើត លុះត្រាតែមានការយល់ព្រមពីរដ្ឋសភា ឬពីគណៈកម្មាធិការអចិន្ត្រៃយ៍របស់រដ្ឋសភា ក្នុងចន្លោះសម័យប្រជុំនៃរដ្ឋសភា រៀរលែង តែក្នុងករណីបទល្មើសព្រហ្មទណ្ឌជាក់ស្តែង។………»
ប៉ុន្តែបើតាមលោកឱម យិនទៀង ប្រធានអង្គភាពប្រឆាំងអំពើពុករលួយ បានថ្លែងថាប្រាប់ប្រព័ន្ធផ្សព្វផ្សាយថា ប្រសិនបើលោកកឹម សុខា មិនចូលខ្លួនតាមការកោះហៅរបស់តុលាការនោះទេ លោកនឹងត្រូវជាប់ចោទថាបានបង្កើតបទល្មើសថ្មីមួយទៀត ហើយរឿងនេះ គឺអាចចាប់ខ្លួនបាន។
គួរជម្រាបជូនថា ដីកាកោះហៅលោកកឹម សុខា របស់ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោកកែវ សុជាតិ គឺដើម្បីសាកសួរពីដំណើររឿងដែលកញ្ញាធី សុវណ្ណថា បានប្តឹងអនុប្រធានបក្សប្រឆាំងរូបនេះ ថាបានបរិហាកេរ្តិ៍ តាមរយៈខ្សែអាត់សម្លេងផ្សព្វផ្សាយក្នុងសារព័ត៌មានក្នុងស្រុក កាលពីថ្ងៃទី ១មីនា ឆ្នាំ ២០១៦ និងតាមរយៈហ្វេសប៊ុកឈ្មោះរឿងពិត CNRP។
ដីកាកោះហៅតំណាងរាស្ត្រគណបក្សសង្គ្រោះជាតិនេះ គឺបន្ទាប់ពីតុលាការក្រុងភ្នំពេញ បានសម្រេចឃុំខ្លួនជាបណ្តោះអាសន្នមន្ត្រីការពារសិទ្ធិមនុស្ស ៤នាក់របស់សមាគមអាដហុក និងអគ្គលេខាធិការរងគណៈកម្មាធិការជាតិរៀបចំការបោះឆ្នោត ១រូប។ ក្រៅពីដីកាកោះហៅលោកកឹម សុខា ក៏មានផងដែរ ដីកាកោះហៅលោក តុ វ៉ាន់ចាន់ និងលោកពិន រតនា ដែលជាតំណាងរាស្ត្រគណបក្សសង្គ្រោះជាតិ ដោយសង្ស័យថា ពាក់ព័ន្ធនឹងអំពើពេស្យាចារ។
ការសង្ស័យ ការចោទប្រកាន់ ការឃុំខ្លួន និងការកោះហៅរបស់តុលាការនេះ ក៏បន្ទាប់ពីស្ត្រីម្នាក់ឈ្មោះខុម ចាន់ដារ៉ាទី ហៅស្រីមុំ ដែលគេសង្ស័យថាជាស្រីកំណាន់របស់លោកកឹម សុខា បានសរសេរលិខិតចំហរមួយរាយឈ្មោះមនុស្សដែលតុលាការកោះហៅទាំងនេះ ថាបានបង្ខំឲ្យនាងប្រឌិតការពិតក្នុងរឿងអាស្រូវស្នេហាជាមួយអនុប្រធានបក្សប្រឆាំង៕
ប្រភព៖ RFI
សូមបញ្ជាក់ថា តាមមាត្រា ៨០នៃរដ្ឋធម្មនុញ្ញ បានចែងថា «តំណាងរាស្ត្រ មានអភ័យឯកសិទ្ធិសភា។ តំណាងរាស្ត្ររូបណាក៏ដោយ មិនអាចត្រូវបានចោទប្រកាន់ ចាប់ខ្លួន ឃាត់ខ្លួន ឬឃុំខ្លួន ដោយហេតុពីបានសម្តែងយោបល់ ឬបញ្ចេញមតិ ក្នុងការបំពេញមុខងាររបស់ខ្លួនសោះឡើយ។ ហើយការចោទប្រកាន់ ចាប់ខ្លួន ឃាត់ខ្លួន ឬឃុំខ្លួន សមាជិកណាមួយនៃរដ្ឋសភា នឹងអាចធ្វើទៅកើត លុះត្រាតែមានការយល់ព្រមពីរដ្ឋសភា ឬពីគណៈកម្មាធិការអចិន្ត្រៃយ៍របស់រដ្ឋសភា ក្នុងចន្លោះសម័យប្រជុំនៃរដ្ឋសភា រៀរលែង តែក្នុងករណីបទល្មើសព្រហ្មទណ្ឌជាក់ស្តែង។………»
ប៉ុន្តែបើតាមលោកឱម យិនទៀង ប្រធានអង្គភាពប្រឆាំងអំពើពុករលួយ បានថ្លែងថាប្រាប់ប្រព័ន្ធផ្សព្វផ្សាយថា ប្រសិនបើលោកកឹម សុខា មិនចូលខ្លួនតាមការកោះហៅរបស់តុលាការនោះទេ លោកនឹងត្រូវជាប់ចោទថាបានបង្កើតបទល្មើសថ្មីមួយទៀត ហើយរឿងនេះ គឺអាចចាប់ខ្លួនបាន។
គួរជម្រាបជូនថា ដីកាកោះហៅលោកកឹម សុខា របស់ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោកកែវ សុជាតិ គឺដើម្បីសាកសួរពីដំណើររឿងដែលកញ្ញាធី សុវណ្ណថា បានប្តឹងអនុប្រធានបក្សប្រឆាំងរូបនេះ ថាបានបរិហាកេរ្តិ៍ តាមរយៈខ្សែអាត់សម្លេងផ្សព្វផ្សាយក្នុងសារព័ត៌មានក្នុងស្រុក កាលពីថ្ងៃទី ១មីនា ឆ្នាំ ២០១៦ និងតាមរយៈហ្វេសប៊ុកឈ្មោះរឿងពិត CNRP។
ដីកាកោះហៅតំណាងរាស្ត្រគណបក្សសង្គ្រោះជាតិនេះ គឺបន្ទាប់ពីតុលាការក្រុងភ្នំពេញ បានសម្រេចឃុំខ្លួនជាបណ្តោះអាសន្នមន្ត្រីការពារសិទ្ធិមនុស្ស ៤នាក់របស់សមាគមអាដហុក និងអគ្គលេខាធិការរងគណៈកម្មាធិការជាតិរៀបចំការបោះឆ្នោត ១រូប។ ក្រៅពីដីកាកោះហៅលោកកឹម សុខា ក៏មានផងដែរ ដីកាកោះហៅលោក តុ វ៉ាន់ចាន់ និងលោកពិន រតនា ដែលជាតំណាងរាស្ត្រគណបក្សសង្គ្រោះជាតិ ដោយសង្ស័យថា ពាក់ព័ន្ធនឹងអំពើពេស្យាចារ។
ការសង្ស័យ ការចោទប្រកាន់ ការឃុំខ្លួន និងការកោះហៅរបស់តុលាការនេះ ក៏បន្ទាប់ពីស្ត្រីម្នាក់ឈ្មោះខុម ចាន់ដារ៉ាទី ហៅស្រីមុំ ដែលគេសង្ស័យថាជាស្រីកំណាន់របស់លោកកឹម សុខា បានសរសេរលិខិតចំហរមួយរាយឈ្មោះមនុស្សដែលតុលាការកោះហៅទាំងនេះ ថាបានបង្ខំឲ្យនាងប្រឌិតការពិតក្នុងរឿងអាស្រូវស្នេហាជាមួយអនុប្រធានបក្សប្រឆាំង៕
ប្រភព៖ RFI
លោកកឹម សុខា នឹងមិនចូលខ្លួនទៅបំភ្លឺក្នុងតុលាការនៅថ្ងៃស្អែកទេ!
![លោកកឹម សុខា នឹងមិនចូលខ្លួនទៅបំភ្លឺក្នុងតុលាការនៅថ្ងៃស្អែកទេ!]()
Reviewed by Unknown
on
May 11, 2016
Rating:
No comments: