ដំណើរ​ឆ្ពោះទៅ​កាន់ការ​ប្រកួត​រើស​ជើងឯក​ទ្វីបអឺរ៉ុប​2016​របស់​ក្រុម​ជម្រើសជាតិ​បារាំង

ព្រឹត្តិការណ៍​ប្រកួត​បាល់ទាត់​ជ្រើសរើស​ជើងឯក​ទ្វីបអឺរ៉ុប​ឬ​Euro 2016​លើក​ទី​១៥​ដែល​ប្រទេស​បារាំង​ធ្វើ​ជា​ម្ចាស់ផ្ទះ​នឹង​ត្រូវ​រៀបចំ​ធ្វើ​ពី​ថ្ងៃ​ទី​១០ ខែមិថុនា ដល់​ថ្ងៃ​ទី​១០ ខែកក្កដា នា​ពេល​ខាង​មុខ ។ ព្រឹត្តិការណ៍​នេះ​នឹង​មានការ​ចូលរួម​ពី​២៤​ក្រុម​ដែល​បាន​ជាប់​ក្នុង​វគ្គ​ជម្រុះ​(​លើកលែង​ម្ចាស់ផ្ទះ​បារាំង​) ដោយ​បែងចែក​ជា​៦​ពូ​ល​ពី A​ដល់ F ។

ខាងក្រោម​នេះ​កោះសន្តិភាព​សូម​លើកយក​ក្រុម​ជម្រើសជាតិ​បារាំង​មក​បរិយាយ​ជូន​មិត្ត​អ្នក​អាន​បាន​ជ្រាប ៖

១-​ក្តី​រំពឹង​៖ បារាំង​គឺជា​ប្រទេស​ដែល​បាន​គ្រង​តំណែង​ជើងឯក​ក្នុង​ទឹកដី​របស់​ខ្លួន​លើក​ចុង​ក្រោយ​ក្នុង​ឆ្នាំ​១៩៨៤ ហើយ​បច្ចុប្បន្ន​ក៏​ជា​ប្រទេស​ខ្លាំង​មួយ​ផង​ដែរ ។ ជាមួយនឹង​ខ្សែបម្រើ​ដ៏​ឆ្នើម​និង​មាន​បច្ចេកទេស​ខ្ពស់ ព្រមទាំង​មាន​ខ្សែប្រយុទ្ធ​ទាំង​៣​នៅ​ជួរ​មុខ​ផង​នោះ ហាក់បីដូចជា​មាន​ប្រៀប​ជា​ខ្លាំង​លើ​គូប្រកួត ។

គ្រូបង្វឹក​លោក Didier Deschamps បាន​ដឹកនាំ​ក្រុម​ជម្រើសជាតិ​ឱ្យ​ក្លាយជា​ក្រុម​ខ្លាំង​មួយ​ដោយ​បាន​ហ្វឹកហាត់​អស់​ជា​ច្រើន​ឆ្នាំ​មក​ហើយ​។ ទោះបី​យ៉ាងណា ករណី​ស្រពេច​ស្រពិល​របស់​ខ្សែប្រយុទ្ធ Karim Benzema និង​ខ្សែបម្រើ​ប្រយុទ្ធ Mathieu Valbuena ដែល​បច្ចុប្បន្ន​កំពុង​លេង​នៅ​ក្នុង​ក្លិប​ផ្សេង នៅ​មិន​ទាន់​សម្រេច​ថា​នឹង​បាន​ចូល​លេង​ឲ្យ​ក្រុម​ជម្រើសជាតិ​នៅឡើយ​ទេ ។ ក្រុម​ជម្រើសជាតិ​បារាំង​នឹង​កាន់តែ​ខ្លាំង​ថែម​ទៀត​ប្រសិនបើ​កីឡាករ Benzema មិន​ខកខាន​ការ​ចូលរួម​ប្រកួត​នេះ ។ សម្រាប់​ក្រុម​ជម្រើស​ជាតិ​មួយ​នេះ គឺជា​ក្រុម​ដែល​ពោរពេញ​ទៅ​ដោយ​កីឡាករ​ដែល​មាន​សមត្ថភាព ជា​ពិសេស​គឺ​ខ្សែបម្រើ សុទ្ធ​សឹង​ជា​កីឡាករ​វ័យក្មេង មាន​សុខភាព​ល្អ និង​កម្លាំង​គ្រប់គ្រាន់​អាច​ទប់ទល់​គូប្រកួត​បាន ។

បារាំង​នឹង​មានឱកាស​កាន់តែ​ច្រើន​ប្រសិនបើ​ប្រទេស​នេះ​ធ្វើ​ជា​ម្ចាស់ផ្ទះ​ដូច​កាលពី​ឆ្នាំ​១៩៨៤​។ បារាំង​ធ្វើ​ជា​ម្ចាស់ផ្ទះ​ព្រមទាំង​បាន​លើក​ពាន​ផង​ដែរ​អំឡុង​សម័យ​សង្គ្រាមលោក​លើក​ទី​២ ។ ក្រុម​ជម្រើសជាតិ​បារាំង​មាន​អ្នកចាំទី​ដ៏​ពូកែ និង​ខ្សែបម្រើ​ល្អ​ៗ ព្រមទាំង​ខ្សែប្រយុទ្ធ​ជួរ​មុខ​ជាមួយនឹង​បច្ចេកទេស​ខ្ពស់​ក្នុង​ការ​លេង​។

២-​លទ្ធផល​ល្អ​៖ បារាំង​ជា​ម្ចាស់​ជើងឯក​ក្នុង​ទឹកដី​របស់​ខ្លួន​នៅ​ឆ្នាំ​១៩៨៤ និង​នៅ​ប្រទេស​ហូ​ឡង់​ឆ្នាំ​២០០០​។ ហើយ​នេះ​ជា​ជ័យជម្នះ​លើក​ទី​៧​របស់​ខ្លួន​ក្នុង​វគ្គ​ផ្តាច់ព្រ័ត្រ​នៅ​ក្នុង​ក្របខ័ណ្ឌ Euro​។

៣-​កីឡាករ​ក្នុង​ចំណាប់អារម្មណ៍​៖ ខ្សែបម្រើ Blaise Matuidi និង​កីឡាករ​ល្បី​ៗ​របស់​បារាំង​ជា​ច្រើន​រូប​ទៀត ក៏​ប៉ុន្តែ​សម្រាប់​កីឡាករ​វ័យ​២៨​ឆ្នាំ​រូប​នេះ​គឺជា​ខ្សែបម្រើ​ដ៏​ឆ្នើម​ក្នុង​ការ​ទប់ទល់​នឹង​គូប្រកួត​នៅ​លើ​ទីលាន ព្រមទាំង​ជា​អាវុធ​ដ៏​មុត​ស្រួច​របស់​ក្រុម​ជម្រើសជាតិ​មួយ​នេះ ។

គ្រូបង្វឹក​លោក Deschamps បាន​និយាយ​ថា​៖ «Matuidi ជា​កីឡាករ​ឈរ​នៅ​លើ​គេ​ក្នុង តារាងបញ្ជី​ឈ្មោះ​របស់​ក្រុម PSG »​។

៤-​គ្រូបង្វឹក​៖ លោក Deschamps អាយុ ៤៧​ឆ្នាំ បាន​ដឹកនាំ​ក្រុម​ជម្រើសជាតិ​បារាំង​ឈាន​ទៅ​វគ្គ​ពាក់កណ្តាល​ផ្តាច់ព្រ័ត្រ World Cup ២០១៤ ដែល​ពេល​នោះ​ក្រុម​របស់​លោក​បាន​ចាញ់​ក្រុម​អា​ល្លឺ​ម៉​ង់​ក្នុង​លទ្ធផល ១-០ ។ លោក​ជា​អតីត​ប្រធាន​ក្រុម​របស់​បារាំង​ដែល​បាន​លើក​ពាន World Cup 1998 និង Euro 2000 ឲ្យ​ប្រទេស​បារាំង​។

៥-​បញ្ជី​ឈ្មោះ​សមាសភាព​កីឡាករ​សរុប   (​បណ្តោះអាសន្ន​)៖ 
-​អ្នកចាំទី ៖ Hugo Lloris (Tottenham)
 Steve Mandanda (Marseille)
 Benoit Costil (Rennes)
-​ខ្សែការពារ​៖ Christophe Jallet (Lyon)
 Patrice Evra (Juventus)
 Raphaël Varane (Real Madrid)
 Bacary Sagna (Manchester City)
 Lucas Digne (Roma)
Jérémy Mathieu (Barcelona)
-​ខ្សែបម្រើ​៖ Yohan Cabaye (Crystal Palace)
Lassana Diarra (Marseille)
N'Golo Kanté (Leicester City)
Blaise Matuidi (Paris Saint-Germain)
Moussa Sissoko (Newcastle United)
Paul Pogba (Juventus)
Dimitri Payet (West Ham United)
-​ខ្សែប្រយុទ្ធ​៖ Olivier Giroud (Arsenal)
 Antoine Griezmann (Atlético Madrid)
 André-Pierre Gignac (UANL)
 Anthony Martial (Manchester United)​    
Kingsley Coman (Bayern Munich)ប្រភព៖កោះសន្តិភាព