កញ្ឆា រុក្ខជាតិមានដើមកំណើតក្នុងទ្វីបអាស៊ីត្រជាក់មធ្យម
កញ្ឆា គឺជាតិណជាតិមួយប្រភេទ មានដើមកំណើតក្នុងទ្វីបអាស៊ីត្រជាក់មធ្យម ហើយត្រូវបានគេយកមកដាំស្ទើគ្រប់ប្រទេស។ រុក្ខជាតិនេះ នៅឥណ្ឌូចិន ស្រុកដែលដាំច្រើនជាងគេ គឺនៅប្រទេស ឡាវ និងវៀតណាម ដែលភាគច្រើនដាំនៅលើភ្នំ។
កញ្ឆានេះ គឺជាប្រភេទរុក្ខជាតិដែលមានជាតិស្រវឹង នៅដើមទាំងមូល ប៉ុន្តែនៅចុងធាងផ្កាមានជាតិស្រវឹងខ្លាំងជាង។ គេតែងតែយកស្លឹកមកហាន់ ហើយហាលឲ្យស្ងួត លាយជាមួយស្លឹកថ្នាំជក់ ដើម្បីធ្វើជាថ្នាំជក់ ពេលជក់ដំបូង កញ្ឆាធ្វើឲ្យមានការសប្បាយចិត្ត បើជក់ច្រើន ការសប្បាយចិត្តនោះបាត់ទៅវិញ អ្នកខ្លះឈានដល់ទ្រហោយំវិញក៏មានដែរ។
នៅស្រុកខ្មែរ មានដាំពូជរងម្យ៉ាង សម្រាប់ប្រើជាគ្រឿងទេសក្នុងសម្លស្ងោសាច់មាន់ ដែលធ្វើឲ្យមានរស់ជាតិឆ្ងាញ់ និងមានការស្រវឹងស្រាលៗបន្តិចផងដែរ។ នៅក្នុងផ្នែកវិធីព្យាបាលរោគ គ្រូពេទ្យតែងប្រើកញ្ឆាសម្រាប់ធ្វើថ្នាំបំបាត់ការឈឺចាប់ ដល់អ្នកមានជំងឺដំបៅក្រពះ ឬមហារីក និងជំងឺក្នុងការរំលាយអាហារ។
ទោះជាយ៉ាងណា នៅក្នុងក្រមព្រហ្មទណ្ឌខ្មែរ មាត្រា ៤០០ និងមាត្រា ៤០១ ហាមមិនឲ្យដាំ និងមិនឲ្យជក់ឡើយ៕
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
ប្រភព៖ ថ្មីៗ
កញ្ឆា រុក្ខជាតិមានដើមកំណើតក្នុងទ្វីបអាស៊ីត្រជាក់មធ្យម
Reviewed by Unknown
on
October 09, 2016
Rating:
Reviewed by Unknown
on
October 09, 2016
Rating:
No comments: