ម្ចាស់សណ្ឋាគារនិងផ្សារម៉ាត Central ហៅកោះតាគៀវ ជួបគ្រោះថ្នាក់ចរាចរណ៍នៅកោះកុង
ខេត្តកោះកុង៖ ម្ចាស់សណ្ឋាគារនិងផ្សារម៉ាត Central ហៅកោះតាគៀវ បានជួបគ្រោះថ្នាក់ចរាចរណ៍ដោយបើករថយន្តរ៉ង់រើវ័រ បុកគ្នាជាមួយម៉ូតូមួយគ្រឿង បណ្ដាលឲ្យបុរសម្នាក់រងរបួសបាក់ជើង ស្ថិតនៅកំណាត់ផ្លូវជាតិលេខ៤៨ ម្តុំផ្លូវបំបែកចូលទៅឃុំថ្មស ក្នុងស្រុកបុទុមសាគរ ខេត្តកោះកុង កាលពីព្រឹកថ្ងៃទី១១ ខែឧសភា ឆ្នាំ២០១៦នេះ។
នគរបាលស្រុកបុទុមសាគរ បានប្រាប់ឲ្យដឹងថា គ្រោះថ្នាក់ចរាចរណ៍ខាងលើនេះ កើតឡើងរវាងរថយន្តគ្រួសារមួយគ្រឿងនិងម៉ូតូមួយគ្រឿងបុកគ្នា ដោយម្ចាស់រថយន្តជាម្ចាស់សណ្ឋាគារនិងផ្សារម៉ាត Central (ហៅកោះតាគៀវ) ក្រុងព្រះសីហនុ ធ្វើដំណើរទិសដៅចូលខេត្តកោះកុង ដើម្បីបន្តចូលទៅកាន់ប្រទេសថៃ។
សមត្ថកិច្ចបានបន្ថែមទៀតថា អ្នកជិះក្នុងរថយន្តទាំងអស់មិនមានអ្នករងរបួសធ្ងន់ធ្ងរ ឬប៉ះពាល់ដល់អាយុជីវិតនោះទេ ចំណែកបុរសម្នាក់ដែលជាអ្នកបើកបរម៉ូតូ បានរងរបួសបាក់ជើងធ្ងន់ធ្ងរ ហើយសមត្ថកិច្ចនៅពុំទាន់ដឹងថា គ្រោះថ្នាក់ចរាចរណ៍នេះ ដើមហេតុមកពីភាគីណាមួយជាអ្នកបង្កនូវឡើយ៕
ប្រភព៖KQqube
ម្ចាស់សណ្ឋាគារនិងផ្សារម៉ាត Central ហៅកោះតាគៀវ ជួបគ្រោះថ្នាក់ចរាចរណ៍នៅកោះកុង
![ម្ចាស់សណ្ឋាគារនិងផ្សារម៉ាត Central ហៅកោះតាគៀវ ជួបគ្រោះថ្នាក់ចរាចរណ៍នៅកោះកុង]()
Reviewed by Unknown
on
May 11, 2016
Rating:
No comments: