វះកាត់កែសម្ផស្ស ចាក់មុខ ធ្វើចង្ការ លទ្ធផលចុងក្រោយនឹកស្មានមិនដល់

អាមេរិក៖ ស្រ្ដីកែភេទម្នាក់មកពីរដ្ឋ Florida បានត្រូវខូចខាតសម្រស់ អស់ខ្ទេចខ្ទី ព្រោះតែគាត់បានទៅធ្វើការកែសម្ផស្ស ដោយគេចាក់សារធាតុស្ទើរ តែមិនគួរឲជឿចូលទៅក្នុងសាច់មុខ។ ស្រ្ដីម្នាក់នេះមានឈ្មោះថា Rajee Narinesingh មានអាយុ ៤៨ឆ្នាំហើយ។ គាត់បានប្រាប់ថា កាលពី១០ឆ្នាំមុន ក្រោយវះកាត់កែភេទរួចហើយ មុខគាត់ និងរាងរូវគឺដូចជាប្រុសនៅឡើយទេ។

ដោយសារតែចង់ស្អាត ហើយមើលទៅដូចជានារីពិតៗ គាត់បានធ្វើការកែសម្ផស្សនៅឯផ្សារងងឹតមួយ ដែលគ្មានអាជ្ញាប័ណ្ណត្រឹមត្រូវនោះទេ ព្រោះតែវាមានតម្លៃធូរថ្លៃជាងនៅគ្លីនិកកែសម្ផស្សស្របច្បាប់ផ្សេងៗ។ គាត់បានបន្ដថា ១០ឆ្នាំក្រោយមក មុខរបស់គាត់ក៏ស្រាប់តែឡើងប៉ោងខ្លាំង ហើយចេញខ្ទុះមកសុទ្ធតែពណ៌បៃតង ព្រមទាំងស្បែកមុខមានសភាពរឹងទៀតផង ទើបគាត់សម្រេចចិត្តធ្វើដំណើរទៅពិគ្រោះជាមួយ នឹងវេជ្ជបណ្ឌិតជំនាញខាងកែសម្ផស្សនៅឯគ្លីនិកមួយ។

ក្រោយពិនិត្យរួចហើយ លោកវេជ្ជបណ្ឌិតបានប្រាប់ថា មុខរបស់គាត់ត្រូវបានគេយកស៊ីម៉ង់ លាយជាមួយសារធាតុកៅស៊ូកង់ឡានចាក់បញ្ចូលទើបវាក្លាយទៅជារឹង ហើយកោសិការបស់ស្បែក ត្រូវងាប់អស់បែបនេះ។ ឮបែបនេះអ្នកស្រី Rajee ស្រឡាំងកាំងតែម្ដង ប៉ុន្ដែគាត់មានវិធីតែមួយមុខនោះទេ គឺសម្រេចចិត្តធ្វើការវះកាត់ដើម្បីយកសារធាតុអស់នោះចេញពីស្បែកវិញ។