សារអ្វី? ដែល ភិន សុដាលីស បានសរសេរមុនចូលតុលាការ
រាជធានីភ្នំពេញ ៖ តារាសម្តែង និងជាពិធីករទូរទស្សន៍លោកប៉ែន ចំរ៉ុង និងអ្នកនាងភិន សុដាលីស បានចូលខ្លួនមកកាន់សាលាដំបូងរាជធានី កាលពីព្រឹកថ្ងៃទី១២ ឧសភា ដើម្បីផ្សះផ្សាជាលើកទីមួយ តាមពាក្យបណ្តឹងសុំលែងលះ ។ បណ្តឹងសុំលែងលះរបស់លោកប៉ែន ចំរ៉ុង ស្ថិតនៅក្នុងដៃចៅក្រមស៊ើបសួរលោកពេជ្រ វិជ្ជាធរ។
បន្ទាប់ពីការ ស៊ើបសួរចប់លោកប៉ែន ចំរ៉ុង មិនបានធ្វើអត្ថាធិប្បាយលម្អិតចំពោះការឆ្លើយនៅសាលាដំបូងរាជធានី លើបណ្តឹងលែងលះនោះទេ ដោយគ្រាន់តែថា វាជាការជួបផ្សះផ្សាលើកទីមួយជាមួយភរិយាឥតខាន់ស្លា ចំណែករឿងអ្វីផ្សេងទៀតលោកសុំមិនទាន់និយាយព្រោះត្រូវជួបគ្នា ផ្សះផ្សាលើកក្រោយទៀត ។
ចំណែកអ្នកនាងភិន សុដាលីស បន្ទាប់ពីចៅក្រមសាកសួរចប់ភ្លាម បានចេញដើរតាមទ្វារមុខខុសពីបទបញ្ជាផ្ទៃក្នុងសាលាដំបូងរាជធានី ភ្នំពេញ ទើបធ្វើឲ្យក្រុមអ្នកសារព័ត៌មានខកចិត្តមិនបានជួបសម្ភាសន៍ជាមួយ នាងដោយផ្ទាល់ឡើយ ។
ភាគីទាំង២ហាក់មិនមានបំណងផ្សះផ្សាគ្នាវិញទេ ព្រោះក្រោយពេលចេញពីសាលាដំបូងរាជធានី តារាសម្តែងនាងភិន សុដាលីស បានបន្លុយសារតាមហ្វេសប៊ុកជាភាសាអង់គ្លេសដែលមានន័យជាភាសា ខ្មែរថា «គ្មានអ្នកណាម្នាក់អាចត្រឡប់ និងចាប់ផ្តើមជាថ្មីឡើយ ប៉ុន្តែអ្នកទាំងអស់គ្នាអាចចាប់ផ្តើមនៅថ្ងៃនេះ និងបញ្ចប់ជាថ្មី» ។
នាង ភិន សុដាលីស ធ្លាប់បានសរសេរសារមុនចូលតុលាការថា «សុំទោសចំពោះការបាត់មុខ តែយ៉ាងណាក៏ដោយ ក៏អរគុណចំពោះការខល និងផ្ញើសារលើកទឹកចិត្ត ក៏ដូចជារាល់ comments ទាំងអស់ ។ ខ្ញុំពិតជាសុំទោសណាស់ដែលខ្ញុំមិនអាចឆ្លើយតប ឬចូលអាន ភ្លាមៗ នៅពេលនោះ ។ អ្នកខ្លះក៏បានតបតទៅលើComments និងការShare អាក្រក់ៗមកលើរូប ខ្ញុំៗពិតជាអរគុណណាស់ អរគុណដែលបានប្រាប់ឲ្យខ្ញុំរឹងមាំ និងអរគុណចំពោះការស្រលាញ់មកលើកូនរបស់ខ្ញុំ ។ ខ្ញុំពិតជាមានសំណាងណាស់ដែលមានអ្នកទាំងអស់គ្នានៅក្បែរ មិនធ្វើឲ្យខ្ញុំមានអារម្មណ៍ថាឯកា ។ វាពិតជាគ្រប់គ្រាន់ណាស់សម្រាប់ខ្ញុំ ដែលខ្ញុំ និងកូនខ្ញុំត្រូវបានគេស្រលាញ់បែបនេះ ហើយពួកយើងសង្ឃឹមថាអាចតបស្នងអ្នកទាំងអស់គ្នាវិញចំពោះក្តីស្រលាញ់ មួយនេះ ។ អរគុណណាស់មានតែពេលវេលាទេ ដែលអាចធ្វើឲ្យការឈឺចាប់មួយនេះជាសះស្បើយ» ។
តារាសម្តែង និងជាពិធីករទូរទស្សន៍លោកប៉ែន ចំរ៉ុង បានដាក់ពាក្យសុំលែងលះភរិយានាងភិន សុដាលីស កាលពីថ្ងៃទី២៩ មេសា ឆ្នាំ២០១៦ ។ នៅក្នុងបណ្ដឹងលែងលះនោះ លោកចំរ៉ុង លើកហេតុផលថា«មិនអាចរស់នៅចុះសម្រុងនឹងគ្នា» ។
ដោយឡែកឪពុករបស់ភិន សុដាលីស គឺលោកអ៊ិន សុភិន អះអាងថា កូនស្រីលោកអស់ចិត្តនឹងប៉ែន ចំរ៉ុង ហើយ ។
ការឈានដល់ផ្លូវបំបែកនៃជីវិតប្តី-ប្រពន្ធ លោកប៉ែន ចំរ៉ុង និងភិន សុដាលីស បង្កឲ្យមានការចាប់អារម្មណ៍ពីគ្រប់មជ្ឈដ្ឋាន និងអ្នកខ្លះស្ទើរតែមិនជឿថាវាទៅជាបែបនេះ ? រឿងរ៉ាវស្នេហារវាងពួកគេទាំង២ បានធ្វើឲ្យកើតមានការចាប់អារម្មណ៍ គឺពេលអណ្តាតភ្លើងស្នេហាបានផ្ទុះឡើង ប្រហែលជាមជ្ឈដ្ឋានទូទៅគាំទ្រការប្រឈមមុខរបស់ពួកគេទាំង២ ទប់ទល់នឹងការប្រឆាំងយ៉ាងដាច់អហង្ការរបស់លោកអ៊ិន សុភិន ជាឪពុករបស់នាងភិន សុដាលីស ដែលជាចាងហ្វាងផលិតកម្មមហាហង្ស បន្ទាប់ពីលោកធ្វើសន្និសីទកាសែតជាចំហជំទាស់ស្នេហារបស់ពួកគេទាំង ២ ។
ពេលនេះការចាប់អារម្មណ៍មួយថ្មីទៀត គឺជីវិតស្នេហ៍ដែលមានអាយុស្ទើរមួយប៉ប្រិចភ្នែកក៏ក្លាយទៅជាការ បែកបាក់ទៅវិញ តើនរណាម្នាក់បានគិតដល់ថា ពួកគេដល់ពេលចែកផ្លូវដើររៀងខ្លួនដូចនេះ ៕
ប្រភព៖everyday
សារអ្វី? ដែល ភិន សុដាលីស បានសរសេរមុនចូលតុលាការ
![សារអ្វី? ដែល ភិន សុដាលីស បានសរសេរមុនចូលតុលាការ]()
Reviewed by Unknown
on
May 12, 2016
Rating:
No comments: