កម្ពុជា-រុស្ស៊ី ដាំដើមឈើជានិមិត្តរូបនៃការអបអរសាទរខួប៦០ឆ្នាំនៃទំនាក់ទំនងការទូត
រដ្ឋមន្ត្រីការបរទេសកម្ពុជា និងឯកអគ្គរដ្ឋទូតនៃសហព័ន្ធរុស្ស៊ីប្រចាំនៅកម្ពុជា នៅថ្ងៃទី១២ ខែឧសភានេះ បានអញ្ជើញដាំដើមឈើរួមគ្នានៅវិមានសន្តិភាព ដើម្បីអបអរសាទរខួប៦០ឆ្នាំ នៃការស្ថាបនាទំនាក់ទំនងការទូតរវាងប្រទេសទាំងពីរ។ ហើយដើម្បីពូនជ្រុំទំនាក់ទំនងការទូតនៃប្រទេសទាំងពីរឲ្យកាន់តែរឹងម៉ាំថែមទៀត ប្រមុខរដ្ឋាភិបាលកម្ពុជាលោក ហ៊ុន សែន នឹងអញ្ជើញទៅបំពេញទស្សនកិច្ចជាផ្លូវការនៅប្រទេសរូស្ស៊ី នាសប្តាហ៍ក្រោយ។
ដើមក្រវ៉ាន់ចំនួនពីរដើម ត្រូវបានដាំនៅមុខវិមានសន្តិភាពនៅថ្ងៃនេះដើម្បីធ្វើជាមិនិត្តរូបនៃការអបអរសាទរខួប៦០ឆ្នាំនៃទំនាក់ទំនងការទូតកម្ពុជា-រុស្ស៊ី។ ដើមឈើទាំងពីរដើម ត្រូវបានដាំដោយលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា តំណាងឲ្យលោកនាយករដ្ឋមន្ត្រី ហ៊ុន សែន និងលោក ឌីមីតទ្រី ស្វេតកូវ (Dmitry TSVETKOV) ឯកអគ្គរដ្ឋទូតវិសាមញ្ញនិងពេញសមត្ថភាពនៃសហព័ន្ធរុស្ស៊ីប្រចាំនៅព្រះរាជាណាចក្រកម្ពុជា ។ ដើមក្រវ៉ាន់ទាំងពីរដើម មួយដើមតំណាងឲ្យកម្ពុជា និងមួយដើមទៀត តំណាងឲ្យប្រទេសរុស្ស៊ី។
សូមបញ្ជាក់ថា ថ្ងៃទី១៣ឧសភា១៩៥៦-១៣ឧសភាឆ្នាំ២០១៦នេះគឺជាខួប៦០ឆ្នាំគត់នៃទំនាក់ទំនងកាទូតរវាងប្រទេសកម្ពុជានិងសហព័ន្ធរុស្ស៊ី ឬអតីតសហភាពសូវៀត។ កាលពីយប់ថ្ងៃទី១១ឧសភាម្សិលម៉ិញភាគីទាំងពីរក៏បានប្រារព្ធពិធីជប់លៀង អបអរសាទរខួបអនុស្សាវរីយ៍នេះដែរ ដោយមានការចូលរួមពីអ្នកមុខអ្នកការជាច្រើននាក់។ បន្ថែមលើនេះ ដើម្បីពូនជ្រុំទំនាក់ទំនងការទូតរវាងប្រទេសទាំងពីរឲ្យកាន់តែរឹងម៉ាំថែមទៀត ប្រមុខរដ្ឋាភិបាលកម្ពុជា លោក ហ៊ុន សែន នឹងដឹកនាំគណៈប្រតិភូជាន់ខ្ពស់មួយក្រុម ទៅបំពេញទស្សនកិច្ចរយៈពេល៥ថ្ងៃនៅប្រទេសរុស្ស៊ីចាប់ពីថ្ងៃទី១៧ដល់ថ្ងៃទី២១ឧសភាខាងមុខនេះ។
បើតាមគម្រោង លោកនាយករដ្ឋមន្ត្រី ហ៊ុន សែន នឹងជួបពិភាក្សាការងារជាមួយប្រធានាធិបតីរុស្ស៊ី លោក វ្លាឌីមៀ ពូទីន និងនាយករដ្ឋមន្ត្រីលោក ឌីមេទ្រី ម៉េដវេដេវ ផងដែរ។ ហើយក្នុងនោះ ឯកសារសំខាន់ៗមួយចំនួននឹងត្រូវចុះហត្ថលេខា។ នេះបើយោងតាមសេចក្តីប្រកាសរបស់ក្រសួងកាបរទេសកម្ពុជា ចុះថ្ងៃទី១១ឧសភាម្សិលម៉ិញ។
លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា បានចាត់ទុកទំនាក់ទំនងការទូតរវាងប្រទេសទាំងពីរ ក្នុងរយៈពេល៦០ឆ្នាំមកនេះថា គឺជាដៃគូដ៏រឹងមាំ និងជាឌីណាមិក។
សូមបញ្ជាក់ថា ចាប់តាំងពីមានទំនាក់ទំនងកាទូតរវាងប្រទេសទាំងពីរ នៅថ្ងៃទី១៣ឧសភា ឆ្នាំ១៩៥៦មក មានតែចន្លោះឆ្នាំ១៩៧៥-១៩៧៩ប៉ុណ្ណោះ ដែលកម្ពុជានឹងរុស្ស៊ីបានផ្តាច់ទំនាក់ទំនងកាទូតនឹងគ្នា។ ហើយបន្ទាប់ពីស្ថាបនាទំនាក់ទំនងការទូតនឹងគ្នាឡើងវិញ នៅឆ្នាំ១៩៧៩ កម្ពុជាបានបញ្ជូននិស្សិតចំនួនជាង ៨.០០០នាក់ទៅសិក្សានៅក្នុងប្រទេសរុស្ស៊ី។ លោក ប្រាក់ សុខុន បានថ្លែងថា បច្ចុប្បន្នភាគច្រើននៃនិស្សិតដែលបញ្ចប់ការសិក្សាទាំងនោះ ពួកគេកំពុងតែកាន់តំណែងខ្ពស់ៗនៅក្នុងរដ្ឋាភិបាលកម្ពុជា ក្នុងនោះមាននិស្សិត៣រូប កំពុងតែកាន់តំណែងជារដ្ឋមន្ត្រី រួមមានលោក ហង់ ជូនណារ៉ុន ជារដ្ឋមន្ត្រីក្រសួងអប់រំ យុវជន និងកីឡា, លោកស្រី ភឿង សកុណា ជារដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកអូន ព័ន្ធមុនីរ័ត្ន ជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
សូមបញ្ជាក់ដែរថាបច្ចុប្បន្នមាននិស្សិតកម្ពុជាជាង២០០នាក់ទៀត កំពុងសិក្សានៅប្រទេសរុស្ស៊ី៕
សូមបញ្ជាក់ថា ថ្ងៃទី១៣ឧសភា១៩៥៦-១៣ឧសភាឆ្នាំ២០១៦នេះគឺជាខួប៦០ឆ្នាំគត់នៃទំនាក់ទំនងកាទូតរវាងប្រទេសកម្ពុជានិងសហព័ន្ធរុស្ស៊ី ឬអតីតសហភាពសូវៀត។ កាលពីយប់ថ្ងៃទី១១ឧសភាម្សិលម៉ិញភាគីទាំងពីរក៏បានប្រារព្ធពិធីជប់លៀង អបអរសាទរខួបអនុស្សាវរីយ៍នេះដែរ ដោយមានការចូលរួមពីអ្នកមុខអ្នកការជាច្រើននាក់។ បន្ថែមលើនេះ ដើម្បីពូនជ្រុំទំនាក់ទំនងការទូតរវាងប្រទេសទាំងពីរឲ្យកាន់តែរឹងម៉ាំថែមទៀត ប្រមុខរដ្ឋាភិបាលកម្ពុជា លោក ហ៊ុន សែន នឹងដឹកនាំគណៈប្រតិភូជាន់ខ្ពស់មួយក្រុម ទៅបំពេញទស្សនកិច្ចរយៈពេល៥ថ្ងៃនៅប្រទេសរុស្ស៊ីចាប់ពីថ្ងៃទី១៧ដល់ថ្ងៃទី២១ឧសភាខាងមុខនេះ។
បើតាមគម្រោង លោកនាយករដ្ឋមន្ត្រី ហ៊ុន សែន នឹងជួបពិភាក្សាការងារជាមួយប្រធានាធិបតីរុស្ស៊ី លោក វ្លាឌីមៀ ពូទីន និងនាយករដ្ឋមន្ត្រីលោក ឌីមេទ្រី ម៉េដវេដេវ ផងដែរ។ ហើយក្នុងនោះ ឯកសារសំខាន់ៗមួយចំនួននឹងត្រូវចុះហត្ថលេខា។ នេះបើយោងតាមសេចក្តីប្រកាសរបស់ក្រសួងកាបរទេសកម្ពុជា ចុះថ្ងៃទី១១ឧសភាម្សិលម៉ិញ។
លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា បានចាត់ទុកទំនាក់ទំនងការទូតរវាងប្រទេសទាំងពីរ ក្នុងរយៈពេល៦០ឆ្នាំមកនេះថា គឺជាដៃគូដ៏រឹងមាំ និងជាឌីណាមិក។
សូមបញ្ជាក់ថា ចាប់តាំងពីមានទំនាក់ទំនងកាទូតរវាងប្រទេសទាំងពីរ នៅថ្ងៃទី១៣ឧសភា ឆ្នាំ១៩៥៦មក មានតែចន្លោះឆ្នាំ១៩៧៥-១៩៧៩ប៉ុណ្ណោះ ដែលកម្ពុជានឹងរុស្ស៊ីបានផ្តាច់ទំនាក់ទំនងកាទូតនឹងគ្នា។ ហើយបន្ទាប់ពីស្ថាបនាទំនាក់ទំនងការទូតនឹងគ្នាឡើងវិញ នៅឆ្នាំ១៩៧៩ កម្ពុជាបានបញ្ជូននិស្សិតចំនួនជាង ៨.០០០នាក់ទៅសិក្សានៅក្នុងប្រទេសរុស្ស៊ី។ លោក ប្រាក់ សុខុន បានថ្លែងថា បច្ចុប្បន្នភាគច្រើននៃនិស្សិតដែលបញ្ចប់ការសិក្សាទាំងនោះ ពួកគេកំពុងតែកាន់តំណែងខ្ពស់ៗនៅក្នុងរដ្ឋាភិបាលកម្ពុជា ក្នុងនោះមាននិស្សិត៣រូប កំពុងតែកាន់តំណែងជារដ្ឋមន្ត្រី រួមមានលោក ហង់ ជូនណារ៉ុន ជារដ្ឋមន្ត្រីក្រសួងអប់រំ យុវជន និងកីឡា, លោកស្រី ភឿង សកុណា ជារដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកអូន ព័ន្ធមុនីរ័ត្ន ជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
សូមបញ្ជាក់ដែរថាបច្ចុប្បន្នមាននិស្សិតកម្ពុជាជាង២០០នាក់ទៀត កំពុងសិក្សានៅប្រទេសរុស្ស៊ី៕
លោកទេសរដ្ឋមន្រ្តី ប្រាក់ សុខុន រដ្ឋមន្រ្តីការបរទេសកម្ពុជា និងលោក Dmitry TSVETKOV ឯកអគ្គរដ្ឋទូតសហព័ន្ធរុស្ស៊ី ក្នុងពិធីដាំដើមក្រវ៉ាន់នៅវិមានសន្តិភាព ថ្ងៃទី១២ឧសភាឆ្នាំ២០១៦។ ប្រភព៖ RFI
កម្ពុជា-រុស្ស៊ី ដាំដើមឈើជានិមិត្តរូបនៃការអបអរសាទរខួប៦០ឆ្នាំនៃទំនាក់ទំនងការទូត
![កម្ពុជា-រុស្ស៊ី ដាំដើមឈើជានិមិត្តរូបនៃការអបអរសាទរខួប៦០ឆ្នាំនៃទំនាក់ទំនងការទូត]()
Reviewed by Unknown
on
May 12, 2016
Rating:
No comments: