សៀវ ឡុ​ង​នី ត្រូវ​អ្នកដឹកនាំ​រឿង​ឲ្យ​ដោះ​សម្លៀក​បំពាក់?

តារា​ស្រី​តៃវ៉ាន់​នាង Michelle Chen វ័យ៣២​ឆ្នាំ​ ដែល​ទស្សនិកជន​ស្គាល់​ជា​តួអង្គ សៀវ ឡុ​ង​នី ក្នុង​រឿង «​ឥន្ទ្រី​ទេព​បក្សី​ស្នេហ៍​» លើ​កញ្ចក់​ទូរទស្សន៍ TV8 ឥឡូវនេះ​បាន​បោះ​ជំហាន​ចូលរួម​សម្តែង​ឱ្យ​ផលិតកម្ម​ហូ​លី​វូ​ដ​ជា​លើក​ដំបូង ។
យោង​តាម​គេហទំព័រ Asian E-News កាលពី​ពេលថ្មី​ៗ​កន្លង​មក​ឱ្យ​ដឹង​ថា នាង Michelle Chen សម្តែង​ក្នុង​រឿង «Pali Road» ត្រូវ​ផលិតករ​(អ្នក​ដឹកនាំរឿង)ឱ្យ​នាង​ដោះ​សម្លៀក​បំពាក់​នៅ​លើ​គ្រែ​ជាមួយ​ តួ​ប្រុស​ដែល​សម្តែង​ដោយ​លោក Jackson Rathbone អាយុ​៣១​ឆ្នាំ ។
នាង Michelle Chen ដើរតួ​ជា​វេជ្ជបណ្ឌិត​ចុះ​កម្មសិក្សា ចំណែក Jackson Rathbone សម្តែង​ជា​គ្រូបង្រៀន​សាលា​បឋម​សិក្សា ។ រឿង Pali Road នឹង​ក្លាយជា​ភាពយន្ត​បើក​ឆាក​ក្នុង​មហោស្រព​ភាពយន្ត​អាស៊ី​-​ប៉ា​ស៊ី​ហ្វិ​ក ​នៅ​ឡូ​ស​អេ​ន​ចឺ​ឡេ​ស សហរដ្ឋអាមេរិក ៕

ប្រភព៖everyday